Preder & Ober
Un danvez enkaskerez a fell dezhi kompren gwelloc’h treuzkas ar brezhoneg er familhoù hiziv an deiz : peseurt dibaboù yezh ha peseurt strategiezhioù ‘vez gant ar gerent vrezhonek ? Sed aze danvez preder, testenioù, disoc’hoù enklask tro-dro d’an tem-se…
Etre 2018 ha 2022 e oa bet kaset da benn un dezenn doktorelezh gant Katell Chantreau diwar-benn treuzkas ar brezhoneg er familhoù. Lakaet eo an disoc’hoù pennañ war-wel en heuliadenn videoioù “Ma dezenn e 120 munutenn”, a-hed 30 rann tematek.
Savet e brezhoneg, istitloù e brezhoneg hag e galleg.
Teir rann nevez a vo skignet bep sizhun etre miz Here ha miz Kerzu 2024.
15 prezegenn e Breizh a-bezh zo bet kaset e 2022-2023.
An diaporama a c’heller kaout o klikañ war ar pennad.
Goude 7 vloaz labour tenn eo bet kaset an dezenn-se da benn. D’an 29 a viz Even 2022 e oa bet soutenet, e skol-veur Roazhon 2. Bennozh Doue d’an holl dud o deus sikouret ’hanon en avañtur-se. Moaien zo da bellgargañ an dezenn o vont war ar pennad-se.
E miz Du 2021 oa deuet Lionel Buannic d’ar gêr da flepiñ diwar-benn ma enklask. Ur vrav a abadenn zo bet savet da heul an emgav-se.
Stefan Moal ha me hon eus skrivet ur pennad war levezon an disparti hag an adframmañ familh war treuzkas ar brezhoneg er gêr. Ur stumm saoznek eus ar pennad-se a vo embannet a-raok pell el levr "Transmitting minority languages : Complementary reversing language shift strategies", kaset da benn gant Michael Hornsby ha Wilson McLeod.
Piv eo c’hwec’hveidi Diwan ? Peseurt santimant a vagont ouzh ar brezhoneg ? Peseurt implij eus ar yezh ? Piv eo o zud ? Ha goût a reont brezhoneg ? Ha komz a reont brezhoneg gant o bugale ?...
Piv eo al liseidi Diwan ? Peseurt santimant a vagont ouzh ar brezhoneg ? Peseurt implij eus ar yezh ? Piv eo o zud ? Ha goût a reont brezhoneg ? Ha komz a reont brezhoneg gant o bugale ? Peseurt levezon o deus ar jener, an hentennoù skoliata, ar familh war an darempred o deus al liseidi gant ar brezhoneg ?...
