Ma raktres enklask

Abaoe miz Here 2015 on lañset barzh ur pezh enklask war treuzkas ar brezhoneg er familhoù. Master da gentañ, ha tezenn doktorelezh bremañ.
Gant daou gelenner eus skol-veur Roazhon 2 on skoazellet : Hugues Pentecouteau ha Stefan Moal.

Ma falioù :
- kompren petra lak an tadoù hag ar mammoù brezhonek da gomz brezhoneg pe da chom hep komz brezhoneg d’o bugale
- dielfennañ ar strategiezhioù treuzkas
- gwelet penaos e vefe posupl aesaat treuzkas ar brezhoneg er familhoù.

Enklask skolajidi Diwan Gwened

Un enklask evit kompren gwelloc’h al liammoù a zo etre treuzkas ar brezhoneg er familhoù hag implij ar brezhoneg gant ar skolajidi. Kaset eo an enklask-se gant Yves Kernalegenn, kelenner e skolaj Diwan Gwened, ha Katell Chantreau, doktoradez e skol-veur Roazhon 2. E miz Meurzh 2020 e vo dastumet respontoù ar skolajidi. E miz Mae 2020 e vo embannet an disoc’hoù kentañ suite Enklask skolajidi Diwan Gwened

Goulennaoueg liseidi Diwan

Un enklask evit kompren gwelloc’h al liammoù a zo etre treuzkas ar brezhoneg er familhoù hag implij ar brezhoneg gant al liseidi. Kaset eo an enklask-se gant liseidi Diwan an Eilvet Du, skoazellet gant Gildas Grimault, o c’helenner war ar skiantoù ekonomikel ha sokial, gant Katell Chantreau, doktoradez e skol-veur Roazhon 2, ha gant Catherine Bouroulleg eus an OPAB. E miz Kerzu 2019 e vo dastumet suite Goulennaoueg liseidi Diwan

Prezegennig : produiñ sifroù evit studiañ an treuzkas er familhoù

D’ar Gwener 23 a viz Du 2018 ’moa distaget ma frezegennig kentañ da-geñver ar c’hollok aozet en Oriant gant an UBS diwar-benn treuzkas ar yezhoù minorelaet er familhoù. Sed aze arroudennoù eus ma frezegennig (e galleg) evit an dud n’o doa ket gellet mont d’an Oriant an deiz-se : produiñ sifroù : palioù, hentenn, bevennoù kinnig ma standilhon disoc’hoù kentañ : tadoù / mammoù, ha treuzkas a reont suite Prezegennig : produiñ sifroù evit studiañ an treuzkas er familhoù

Goulennaoueg 2

Eil lodenn an enklask war treuzkas brezhoneg er familhoù. Goude bezañ goulennataet an dud war plas ar brezhoneg en o familh e fell din gouzout muioc’h war o mod da welet an desevel bugale dre vras. Ne vo implijet an titouroù dastumet er c’houlennaoueg-mañ nemet evit magañ ma enklask war treuzkas ar brezhoneg er familhoù. 20 munutenn zo ezhomm a peu pre evit respont d’an holl suite Goulennaoueg 2

Kartenn ar mammoù hag an tadoù enklasket

Pelec’h emañ ar mammoù hag an tadoù o deus respontet d’am goulennaoueg o chom (450 den) ? Aodoù-an-Arvor : 19% Penn-ar-Bed : 47% Il-ha-Gwilen : 12% Liger-Atlantel : 3,5% Morbihan : 13% Bro-C’hall : 3,5% Estrenvro : 2%

Goulennoù, poblañs ha metodologiezh

Goulennoù pennañ Ma fal eo anveout gwelloc’h ar mammoù hag an tadoù brezhonek ha studiañ treuzkas ar brezhoneg er familhoù hiziv an deiz. Tri rummad goulennoù zo. Ur rummad kentañ war dibaboù treuzkas pe chom hep treuzkas ar brezhoneg. Deus pelec’h ’teu ar c’hoant treuzkas ? Ha douget eo gant ur sell politikel war Breizh, gant ur santimant bezañ perzh en ur gumuniezh, gant ul liamm afektivel ouzh ar suite Goulennoù, poblañs ha metodologiezh

Goulennaoueg

450 tad ha mamm brezhonek o deus respontet d’am goulennaoueg etre ar 15 a viz Ebrel hag an 3 a viz Gwengolo 2018. Echu eo an dastumadeg respontoù bremañ, met laosket ’meus ar goulennoù en linenn e ken kas ma vefe tud dedennet evit gwelet peseurt mod e oa savet ar c’houlennaoueg. Bennozh Doue d’ar mammoù ha d’an tadoù o deus respontet. Mersi bras ivez d’ar re o deus brudet ar c’houlennaoueg en-dro kenderc’hel Goulennaoueg

Master 2 : echu !

Sed aze pazenn gentañ ma enklask war treuzkas ar brezhoneg er familhoù. Daou vloaz labour evit kregiñ d’en em stummañ war frammoù teorik ar sokiologiezh, teknikoù enklask ha difraostañ an dachenn. 10 tad ha mamm ’meus bet tro da atersiñ ha kinnig a ra ma memor Master un dielfennadenn eus an atersadennoù-se. E miz Even 2017 ’moa kinniget ma memor dirak ar juri ha tapet ur 17/20 ganin. Brav evit kregiñ suite Master 2 : echu !